Schepenakte - Wij Arnt Peter Meeus soen ende Diric Tyelmans van Bakel scepenen tot Helmont doen cont allen luden dat voir ons tot Helmont komen sijn Jan Sterken en Jan Sissien onse medepoirter tot Helmont die aldair van den scouth (ct?) van Helmont ten heiligen geeijdt worden ende tugheden op hoer eijde bij manissen tscoutheiden voirs dat si voirtijds dair bi ende over geweest hebben ende saghen dat om der vesten wille tot Helmont te graven een huysken dwelc Mechtelt van Gasselt staende hadde tot Helmont op een water geheiten den ameijde affgebroken we(a)rdt ende dat die wall van den vesten aldair aldair op dat erve gelegen wart ende dat dat water geheiten den ameyde aldair gewijdt wardt in (?) van Weyes erve dat gewijdt wart dat dar (?) en wisten sij nyet aff ende tughen voert op hoer eijde als voir dat ter tijt doe dat huysken affgebroken wart ende die vest grgraven wart dat Wautger van Gasselt der voirs. Mechtelden soen was van Gasselt doe seegden totter gemeynten van Helmont dat en yeghelic dat huysken aff breke ende groef was syn moeder ende hi voeren daer wael aff vernueght ende geboet die lude dair toe als richter tot Helmont dat aff te breken ende te graven ende Jan Sterken tughede noch dat hi dat huysken aff halp breken selver om leden wil Wautgers. altera die post Remedü 1424, 1420/1429